ਪਿੰਡ ਘੁੜਕਾ ਦੇ ਵਿੱਚ ਇੱਕ ਵਾਰ ਫਿਰ ਤੋਂ ਲੱਗਣਗੀਆਂ ਰੌਣਕ, ਪਿੰਡ ਪਹੁੰਚਿਆ Pindu Johal , ਕਰਵਾਏਗਾ ਇਹ ਕੰਮ
ਸਮਾਜ ਸੇਵਾ ਦੇ ਕੰਮਾਂ ਵਿੱਚ ਇੱਕ ਵਧੀਆ ਨਾਮ ਹੈ ਪਿੰਦੂ ਜੋਹਲ ਦਾ
Hanesh Mehta
ਸਮਾਜ ਸੇਵਾ ਅਤੇ ਹਮੇਸ਼ਾ ਹੀ ਗਰੀਬਾਂ ਦੀ ਮਦਦ ਦੇ ਲਈ ਜਾਣਿਆ ਜਾਂਦਾ ਫਿਲੌਰ ਇਲਾਕੇ ਦਾ ਪਿੰਦੂ ਜੋਹਲ ਜੋ ਕਿ ਸਮਾਜ ਸੇਵਾ ਦੇ ਲਈ ਸਿਰਫ ਪੰਜਾਬ ਦੇ ਵਿੱਚ ਹੀ ਨਹੀਂ ਬਲਕਿ ਵਿਦੇਸ਼ਾਂ ਦੇ ਵਿੱਚ ਜਾਣਿਆ ਜਾਂਦਾ ਹੈ , ਹਰ ਸਾਲ ਪਿੰਡ ਦੇ ਵਿੱਚ ਬਣੇ ਆਪਣੇ ਜੋਹਲ ਫਾਰਮ ਦੇ ਵਿੱਚ ਕੋਈ ਨਾ ਕੋਈ ਸਮਾਜ ਸੇਵਾ ਦੇ ਕੰਮ ਕਰਦਾ ਤੇ ਕਰਵਾਉਂਦਾ ਹੀ ਰਹਿੰਦਾ ਹੈ ।
ਹੁਣ ਨਵਾਂ ਸਾਲ ਚੜ੍ਹਦੇ ਹੀ ਪਿੰਡੁ ਜੋਹਲ ਇੱਕ ਵਾਰ ਫਿਰ ਇੰਗਲੈਂਡ ਤੋਂ ਆਪਣੇ ਪਿੰਡ ਪਹੁੰਚ ਗਿਆ ਹੈ ਤੇ 5 ਜਨਵਰੀ 2023 ਨੂੰ ਆਪਣੇ ਸਮਾਜ ਸੇਵਾ ਦੇ ਕੰਮਾਂ ਦੀ ਲੜੀ ਨੂੰ ਅੱਗੇ ਤੋਰਨ ਜਾ ਰਿਹਾ ਹੈ । ਜਿਸ ਦੇ ਚਲਦੇ ਪਿੰਦੂ ਜੋਹਲ ਦੀ ਸਰਪ੍ਸਤੀ ਦੀ ਵਿੱਚ ਬਣੀ ਵਰਲਡ ਵਾਇਡ ਸਕੋਪ ਵੈਲਫੇਅਰ ਸੋਸਾਇਟੀ ਦੇ ਵੱਲੋਂ ਅਤੇ ਬਾਹੜਾ ਪਰੀਵਾਰ ਦੇ ਸਹਿਯੋਗ ਨਾਲ 5 ਜਨਵਰੀ ਨੂੰ ਫਗਵਾੜਾ ਦੇ ਪਿੰਡ ਭਾਣੋਕੀ ਵਿੱਚ ਅੱਖਾਂ ਦਾ ਚੈਕਅਪ ਅਤੇ ਅਪ੍ਰੇਸ਼ਨ ਕੈੰਪ ਲਗਵਾਇਆ ਜਾ ਰਿਹਾ ਹੈ, ਇਸੇ ਤਰਾਂ 6 ਜਨਵਰੀ ਨੂੰ ਜੋਹਲ ਫਾਰਮ ਪਿੰਡ ਘੁੜਕਾ ਵਿਖੇ ਅੱਖਾਂ ਦਾ ਚੈਕਅਪ ਅਤੇ ਅਪ੍ਰੇਸ਼ਨ ਕੈੰਪ ਲਗਾਇਆ ਜਾਵੇਗਾ, 7 ਜਨਵਰੀ ਨੂੰ ਜੋਹਲ ਫਾਰਮ ਘੁੜਕਾ ਵਿਖੇ ਸ਼੍ਰੀ ਅਖੰਡ ਪਾਠ ਸਾਹਿਬ ਜੀ ਦਾ ਆਰੰਭ ਕੀਤਾ ਜਾਵੇਗਾ , 8 ਜਨਵਰੀ ਨੂੰ ਜੋਹਲ ਫਾਰਮ ਦੇ ਵਿੱਚ ਹੀ ਖੂਨਦਾਨ ਕੈੰਪ ਦਾ ਆਯੋਜਨ ਕੀਤਾ ਜਾਵੇਗਾ, ੯ ਜਨਵਰੀ ਦੀ ਸਵੇਰ ਨੂੰ ਸ਼੍ਰੀ ਅਖੰਡ ਪਾਠ ਸਾਹਿਬ ਜੀ ਦੇ ਭੋਗ ਪਾਏ ਜਾਣਗੇ ਜਿਸ ਤੋਂ ਉਪਰੰਤ ਜਰੂਰਤਮੰਦ ਲੜਕਿਆਂ ਦੇ ਆਨੰਦ ਕਾਰਜ ਸੋਸਾਇਟੀ ਦੇ ਵੱਲੋਂ ਕਰਵਾਏ ਜਾਣਗੇ ਅਤੇ ਉਸ ਤੋਂ ਬਾਦ 11 ਜਨਵਰੀ ਨੂੰ ਜੋਹਲ ਫਾਰਮ ਘੁੜਕਾ ਵਿਖੇ ਲੱਗਣਗੀਆਂ ਪੂਰੀਆਂ ਰੌਣਕ ਤੇ ਸੋਸਾਇਟੀ ਅਤੇ ਪਿੰਦੂ ਜੋਹਲ ਦੇ ਵੱਲੋਂ ਹਰ ਸਾਲ ਦੀ ਤਰਾਂ 5100 ਨਵ ਜੰਮਿਆਂ ਕੁੜੀਆਂ ਦੀ ਲੋਹੜੀ ਪਾਈ ਜਾਵੇਗੀ ।
ਜਿਸ ਦੌਰਾਨ ਪੰਜਾਬ ਦੇ ਨਾਮੀ ਕਲਾਕਾਰ ਆਪਣੀ ਹਾਜਰੀ ਤਾਂ ਲਗਵਾਉਂਗੇ ਹੀ ਇਸ ਦੇ ਨਾਲ ਹੀ ਪੰਜਾਬ ਦੀਆਂ ਨਾਮਵਰ ਹਸਤੀਆਂ ਵੀ ਇਸ ਵਿਸ਼ਾਲ ਸਮਾਗਮ ਦਾ ਹਿੱਸਾ ਬਣਨਗੀਆਂ ।
